ရေငန်တွေလျှံတဲ့ "ည"

                                       
                                                   တံတိုင်းတွေက စည်းခြား

                                                   နှစ်ဦးကြား ကာရံထားလို့

                                                   နံရံတစ်ဖက်မှာ မင်းနဲ့ငါ

                                                   တိတ်ဆိတ်စွာပဲ လမ်းခွဲ

                                                   အသည်းတွေလည်း ကွဲ ခဲ့တယ်..။

                                                   အိပ်မက်တွေက ၀ိုးတ၀ါး

                                                   နိုးသွားတဲ့အခိုက်မှာပဲ ဆိုးရွားစွာ ငိုခဲ့ရ

                                                   အဲ့ဒီညကပေါ့..

                                                   ကြယ်စင်တွေမလက် လ မထွက်ဘူး.

                                    Aquarius နတ်သမီး အရိုးထိအောင် ရူးလို့

                                                   လျှပ်စီးတွေကြားမှာ သူ့ရေအိုးလေးမ

                                                   မျက်ရည်တွေနဲ့ သွန်ချ ခဲ့တယ်.. ..။

                                                   အို..

                                                   ကမ္ဘာမြေပေါ်မှာ ရေငန်တွေ လျှံတဲ့  “ည”  ပေါ့ကွယ်.. .. ။

ဝဋ်ကြွေးတစ်ခုရဲ့ .. သွေးစက်

                                ဘယ်လောက်ဝေးဝေး သွေးမအေးတဲ့
                                အဆုံးအစမဲ့ ဆန္ဒတွေနဲ့
                                ခပ်နွေးနွေး ချစ်နေသေးရဲ့..

                                ဒီတစ်သက် မျက်နှာချင်းမဆိုင်ကြတော့ပေမယ့်
                                ရင်ဘတ်ထဲ ရမ္မက်ကင်းတဲ့အချစ်တွေကတော့
                                မင်းတစ်ယောက်တည်းပဲ ပိုင်တယ် ..

                                ဘာဖြစ်ဖြစ်.. တို့တွေ ထပ်ပြီးမနွယ်ကြေး

                                နှောင်ကြိုးလေးတွေ ကပ်ပြီးတွယ်တာသေးရင်

                                တစ်မြေ့မြေ့ နာကျင်ရဦးမှာမို့ ထာဝရ ဝေးစို့ ..

                                ဒီလိုဖြတ်ပစ်တဲ့ စကားလုံး

                                အစိတ်စိတ်ပြတ်နေတဲ့ နှလုံးသားက ထွက်ကျတော့

                                ကျိန်စာသင့်တဲ့ ဒီမိန်းမ.. မင်းမသိအောင် ရင်ကွဲနာကျဦးပေါ့ .. ..။

မင်းအတွက် ဆုလာဘ်

                      မင်း နှလုံးသားမှာ ငါ မရှိတဲ့နေ့

                      မင်း သတိမရတော့တဲ့ အခါ

                      အရာရာဟာ နံနက်ခင်းရဲ့ ရောင်ခြည်ဦးနဲ့ တူပါစေ ..။


                     မင်း အသိမှာ ငါ ဆုံးပါးတဲ့နေ့

                     မင်း မတွေးမိတော့တဲ့ အခါ

                     အရာရာဟာ ညနေခင်းရဲ့ လေပြည်ညှင်းနဲ့ တူပါစေ ..။


                     ငါ့ နှလုံးသားမှာ မင်း မရှိတော့မယ့်နေ့

                     ငါ ထွက်သက်ကုန်တဲ့အခါ

                     နှလုံးသွေးနဲ့ ရေးတဲ့

                     ငါ့ရဲ့ ညကဗျာ

                     မင်းအတွက် ..  အိပ်ရာဝင် တေးတစ်ပုဒ် ဖြစ်ပါစေ ..။

                                   ~~~ ✿~ ✿~ ✿ ~~~ 
 

ဖန်ဆင်းခွင့်ရှိတဲ့ အပြုံးတစ်ပွင့်

မင်းနဲ့ပတ်သတ်သမျှ

ကြုံဆုံတဲ့ကာလတစ်လျှောက်

လုပ်နိုင်သလောက်ထိ

ပေးဆပ်ခဲ့ခြင်းအတိလို့ အမည်မတပ်

ကြိုးစားပေးနေရက်နဲ့

မိန်းမတစ်ယောက်ရဲ့ မာနကို

မင်းလိုသလို ထပ်ဖြိုလည်း

အဆုံးမဲ့ သည်းခံရင်း

ဟိုစဉ်လို အရောင်ထပ်မတင်ဘူး..

ဒီထက်ပိုပြီးထူးလို့ ငါ ရူးမူးသက်ဝင်

မင်းအတွက် အလိုက်သင့်ပင်

ငါ ဆက်သွားရင်း..

ဒီဘ၀ကို  သည်းကြီးမည်းကြီး

ပိုက်တွယ်လို့

အရှုံးများလည်း ဆက်ပြုံးနေမယ်..။

မဲ့ခြင်းတစ်ချက် မစွက်ပဲ

ဘယ်တော့မှ မစဲတဲ့ အပြုံးနဲ့

ဥတုသုံးပါးလုံး ပန်ဆင်လိုို့လှမ်းရင်း

ငါ့ကမ္ဘာကို လရောင်ဆမ်း

ညတွေကို လှသလိုဖန်ဆင်း

မင်းကို အရိုးရှင်းဆုံး လွမ်းရင်း

ငါ အသက်ရှင်ခြင်းကို ပြုမယ် ..

~~~~~~~~~~~  ♥  ~~~~~~~~~~~

ဆက်ရန်မရှိ

လာမယ့်အနာဂါတ်

မင်းအတွက်ဆိုပြီး

အရုဏ်အတက်လို သက်ဝင်ခဲ့လည်း

မဲ့ပြုံးတစ်ချက်နဲ့ မင်းက ဖျက်ခဲ့တယ်..

စစ်မှန်တဲ့ချစ်ခြင်း

မင်းအတွက်ဆိုပြီး

နံနက်ခင်းပန်းလို သင်းစေခဲ့လည်း

ခပ်တင်းတင်းနဲ့ မင်းက နင်းခဲ့တယ်..

မာနတွေကွာကျ

မင်းအတွက်ဆိုပြီး

ဆောင်းမနက်လို နှင်းတွေလွှာချခဲ့လည်း

မညှာမတာ..ိမင်းက ခွာချခဲ့တယ်..

အတိတ်အိုကို

မင်းအတွက်ဆိုပြီး

SPY တစ်ယောက်လို မလျှိုခဲ့လည်း

မလိုတော့ချိန်မှာ  မင်းက ငြိုညင်ခဲ့တယ်..

ဒီလို အပြတ်ပြတ်နဲ့ နှာခေါင်းသွေးထွက်

တွေးနေရင်း အသက်ရှူရပ်တဲ့ အဖြစ်

ဒီမှာတင် အဆုံးသတ်ပစ်ဖို့

ငါအရင်သာ ပြောခဲ့မယ် ..

ဘယ်တုန်းကမှ လျှော့မကျခဲ့တဲ့

ငါ့အချစ်တွေ.. မင်းအတွက်

တသသနဲ့ လှစေခဲ့လည်း

ပတ်သတ်သမျှ အရာရာကို

နှုတ်ဆက်ခြင်း ဒီကဗျာနဲ့အတူ

ငါ့နှလုံးသားကို မင်းအတွက် ..

အမှတ်တရဖြစ် လှူရစ်ခဲ့မယ်..

ဆက်ရန်မရှိတဲ့ ဘ၀တိုတိုမှာ

နေသာသလို နေခဲ့တော့ကွယ်..။

ခပ်မှိုင်းမှိုင်း ညည်းချင်း

 

ငါ့အတ္တ နူးညံ့ပါတယ်

ငါခူးခပ်မိတဲ့ ထမင်းကတော့

သိုးနေလေရဲ့.. 

ငါ့သဘောထားကြီးကျယ်ပါတယ်..

ငါကူးခပ်တဲ့ပင်လယ်ကတော့

မေခလာနတ်သမီးမရှိခဲ့..

ငါ့ကဗျာချိုပါတယ်

ငါရတဲ့ဆုကတော့

ဂျာအေးရဲ့.. မျက်ရည်ပို .. လို..

ငါ့ကမ္ဘာသာယာပါတယ်

ငါပြုံးလိုက်တဲ့ခဏတော့

အဆိပ်နက်ပန်းတွေ ပွင့်လွန်းအားကြီးတယ်..။

အနာဂါတ်မဲ့သူ

မီးကိုမြင်ရက်နဲ့
ဘယ်ညာမချိုး
ဇွတ်တိုးဝင်ခဲ့တဲ့ 
ပိုးဖလံငယ်လေးရေ ..
ရေးတေးတေး မျှော်လင့်ချက်တွေကို
စိတ်ကူးချိုချို 
အတွေးဝင်းဝင်းနဲ့
အသက်သွင်းချင်လို့ ..
မင်းကိုယ်တိုင် မင်းစတေးခံပြီးမှ
အရုဏ်ဦးကို 
ရှာတွေ့ခဲ့တယ်ဆိုရင်တော့
လောင်ကျွမ်းခံရပြီးတဲ့ 
မင်းရဲ့ မနက်ဖြန်တွေကို
ငါ တကယ်နှမြောမိတယ် _____ !_!

ကမ္ဘာမြေအတွက်

"မိုးကြီးကြီးရွာပါစေ

လေကြီးမိုးကြီးတိုက်ပါစေ

အပူတွေလွင့်မျောစေ" ပေါ့ ..။ 

ဒီလို.. ဆုတွေနဲ့

ကလေးတစ်ယောက်လို ..

မလန်းတဲ့ကမ္ဘာကို ရွှင်လန်းဖို့

ဆန္ဒနဲ့ တမ်းတမ်းတတလေး

တောင်းဆိုတဲ့ ငါ့ကိုမှ

ကျိန်ဆဲသူရယ်လို့

သူတို့ဆိုလေတယ်..။

စက်ဆုတ်ဖွယ် အတ္တကို

နတ်သုဒ္ဒါနဲ့တောင် မလဲတဲ့

တစ်ချို့.. တစ်ချို့တွေရဲ့

သစ်သမျှ နှစ်တွေကို

ငါ.. အလိုမရှိလေတော့.

ကမ္ဘာပျက်မယ့်ရက်ကို

လက်ချိုးရေနေတယ်လို့  ဆိုရင်

စေတန်တကောင်ရဲ့သမီးလို

ခပ်ဝေးဝေးက .. ငါ့ကို

ရှောင်လေတယ် ..။

သြော်..

မှောင်မှာကို

ကြောက်လို့သာ နေတော့တယ်..

အယောင်ယောင်အမှားမှားတောင်

ကမ္ဘာပေါ် သစ္စာမရှိ.. 
အနှစ်ဆိုတာကို သေချာမသိတော့

နိယာမသဘောတရားအောက်

အသိများလည်း ပျောက်လို့

ရိုးရာတွေ အကုန်မှောက်ပစ်တယ်..

အင်း ..
ခက်လေတဲ့..  သူတွေရယ် .. ။

အရောင်စုံတဲ့ ရသ

 
တစ်ရံတစ်ခါ၌ သူသည် ကျွန်မ၏ လေညှင်းလေး ဖြစ်၍

တစ်ရံတစ်ခါ၌ သူသည် ကျွန်မ၏ မုန်တိုင်း ဖြစ်၏။

တစ်ရံတစ်ခါ၌ သူသည် ကျွန်မ၏ ကဗျာလို ချို၍

တစ်ရံတစ်ခါ၌ သူသည် ကျွန်မ၏ ကော်ဖီလို ခါး၏ ။

တစ်ရံတစ်ခါ၌ သူသည် ကျွန်မ၏ ဘ၀ ကို ဖြူစေ၍

တစ်ရံတစ်ခါ၌ သူသည် ကျွန်မ၏ အတ္တ ကို အရောင်ဆိုး၏။

တစ်ရံတစ်ခါ၌ သူသည် ကျွန်မ၏ သူရဲကောင်းဖြစ်၍

တစ်ရံတစ်ခါ၌ သူသည် ကျွန်မ၏ တစ္ဆေဖြစ်၏။

တစ်ရံတစ်ခါ၌ သူသည် ကျွန်မ၏ အိမ်မက်ဖြစ်၍

တစ်ရံတစ်ခါ၌ သူသည် ကျွန်မ၏ နတ်ဆိုးဖြစ်၏။

တစ်ရံတစ်ခါ၌ သူသည် ကျွန်မ၏ မျှော်လင့်ချက်ဖြစ်၍

တစ်ရံတစ်ခါ၌ သူသည် ကျွန်မ၏ ကမ်းလွန်ပင်လယ်ဖြစ်လေ၏ .. .. ..။

အငွေ့ဖြစ်သွားတဲ့ အိမ်မက်

နှလုံးသားထက် နွေးပြီးတက်လာတဲ့
ဒီရေတွေ အေးခဲသွားတဲ့ခဏ
ငါ မြင်ခဲ့ဖူးတဲ့ နှင်းကို
သတိရမိလို့ .. .. ..

ကောင်းကင်ပြင်ထက် လင်းပြီးလက်ဖြာတဲ့
ကြယ်စင်တွေ စုံတဲ့ခဏ
ငါ ရှုံးခဲ့ဖူးတဲ့ အပြုံးကို
တမ်းတမိလို့ .. .. ..

စာရွက်ဖြူထက် ရေးပြီးဖျက်ခဲ့တဲ့
ကဗျာတွေ ကမ္ဘာပျက်တဲ့ခဏ
ငါ ဖက်တွယ်ဖူးတဲ့ အိမ်မက်ကို
လွမ်းဆွတ်မိလို့ .. .. ..။

 (တပို့တွဲလပြည့်တစ်ည - < 7-2-2011 > - 12:00 PM)