ဆိုကရေးတီးနဲ့ သင်ခန်းစာ

တစ်နေ့မှာ ပလေတိုက ဆရာဖြစ်သူ ဆိုကရေးတီးကို
“အချစ်” ဆိုတာဘာလဲလို့ မေးသတဲ့။ ဒီတော့ ဆိုကရေးတီးက ပလေတိုကို
ဂျုံခင်းထဲ နောက်ပြန်မလှည့်ပဲ တစ်ခေါက်သွားစေပြီး သွားရာလမ်းတစ်လျှောက်မှာ အကောင်းဆုံးနဲ့အကြီးဆုံး ဂျုံနှံတစ်ခုကို ခူးစေခဲ့ဖို့ ပြောလိုက်တယ်။

ဆရာခိုင်းတာ အရမ်းလွယ်တယ်ထင်တဲ့ ပလေတိုက ကိုယ့်ကိုယ်ကို
ယုံကြည်မှုအပြည့်နဲ့ ဂျုံခင်းထဲ ၀င်ခဲ့တယ်။ နေ့တစ်ဝက်ကုန်တဲ့အထိ သူဟာ ဂျုံခင်းထဲမှာပဲ ရှိနေခဲ့ပြီး နောက်ဆုံးမှာ လက်ဗလာနဲ့ ခေါင်းငိုက်စိုက် ပြန်လာခဲ့ရတယ်။
ဆိုကရေးတီးရှေ့ရောက်တော့ “အကောင်းဆုံးလို့ထင်တဲ့ ဂျုံနှံကို ကျွန်တော်တွေ့ခဲ့ပါတယ်။ ဒါပေမယ့် တစ်နှံပဲခူးရမယ်ဆိုတော့ အကောင်းဆုံးမှ ဟုတ်ပါ့မလားလို့ထင်ပြီး မခူးခဲ့ပဲ ဒီထက်ကောင်းတဲ့အနှံ ရှိဦးမယ်ဆိုတဲ့အတွေးနဲ့ ယာခင်းအဆုံးထိ ကျွန်တော်ရောက်ခဲ့မှ လက်ထဲမှာ
ဘာမှမပါခဲ့မှန်း သိလိုက်ရတော့တယ်” လို့ ပြောတော့ ဆိုကရေးတီးက
“အဲ့ဒါ အချစ်” လို့ ပြောလိုက်တယ်။

တစ်နေ့မှာ ပလေတိုက ဆရာဖြစ်သူ ဆိုကရေးတီးကို “လက်ထပ်ခြင်း” ဆိုတာ ဘာလဲလို့ မေးပြန်တယ်။ ဒီအခါ ဆိုကရေးတီးက ပလေတိုကို
ထင်းရှူးတောထဲ နောက်ပြန်မလှည့်တမ်း တစ်ခေါက်သွားစေပြီး
သွားရာလမ်းတစ်လျှောက်မှာ ခရစ်စမတ်အတွက် အသုံးပြုဖို့ အကောင်းဆုံး
ထင်းရှူးပင် တစ်ပင်ကို ယူစေခဲ့တယ်။

သင်ခန်းစာတစ်ခါ ရခဲ့ဖူးတဲ့ ပလေတိုက ဒီတစ်ကြိမ်မှာ အမှားအယွင်းမရှိအောင် ယုံကြည်မှုအပြည့်နဲ့ ထင်းရှူးတောထဲ ၀င်ခဲ့တယ်။
နေ့တစ်ဝက်ရောက်တော့ အရွက်ကျိုးတိုးကျဲတဲနဲ့ ပင်စည်ဖြောင့်တယ်လို့ ပြောလို့ရတဲ့ ထင်းရှူးပင်တစ်ပင်ကို နွမ်းနယ်နေတဲ့ ခန္ဓာကိုယ်နဲ့ သူထမ်းပြီး ပြန်လာခဲ့တယ်။

“ဒါက အကောင်းဆုံး ထင်းရှူးပင်လား” လို့ ဆိုကရေးတီးက မေးတော့ “တစ်ပင်တည်းယူခဲ့ရမယ်ဆိုလို့ အကောင်းဆုံးကို တွေ့လိုတွေ့ငြား လိုက်ရှာရင်း မဆိုးဘူးလို့ထင်တဲ့ အပင်တစ်ပင်ကိုတွေ့တော့ ကျွန်တော့မှာ
အချိန်ရော၊ အင်အားပါ ကုန်ခမ်းနေတာကို သတိပြုမိလိုက်တယ်။ ဒါကြောင့် အကောင်းဆုံးလား ဘာလားဆိုတာကို ဂရုမစိုက်တော့ပဲ ယူပြန်လာခဲ့တာပါ” လို့ ပြန်ပြောတော့ ဆိုကရေးတီးက “အဲ့ဒါ လက်ထပ်ခြင်း” ပဲလို့ ပြောလိုက်တယ်။

တစ်နေ့မှာ ပလေတိုက ဆရာ ဆိုကရေးတီးကို “တိတ်တိတ်ပုန်း” ဆိုတာ ဘာလဲလို့ မေးလာပြန်သတဲ့။ ဒီတစ်ခါမှာ ဆိုကရေးတီးက ပလေတိုကို တောထဲတစ်ခေါက် လမ်းလျှောက်စေခဲ့တယ်။ ဒီတစ်ကြိမ်မှာတော့ ခေါက်တုန့်ခေါက်ပြန်လျှောက်စေပြီး သွားရာလမ်းတစ်လျှောက်မှာ အလှဆုံး ပန်းတစ်ပွင့်ကို ရွေးခူးပြီး ယူခဲ့ဖို့ မှာလိုက်တယ်။ ဒီတော့ ပလေတိုက ကိုယ့်ကိုယ်ကို ယုံကြည်မှုနဲ့ ထွက်လာခဲ့ပြန်တာပေါ့။ ၂ နာရီ နီးပါးကြာတော့ စိတ်မသက်မသာနဲ့ အရောင်စုံပြီး အနည်းငယ် ညှိုးနွမ်းနေတဲ့ ပန်းတစ်ပွင့်ကို ယူဆောင်ခဲ့တယ်။

“ဒါက အလှဆုံး ပန်းလား” လို့ ဆိုကရေးတီးက မေးတော့
“၂နာရီနီးပါး ကျွန်တော်လိုက်ရှာတော့ အလှဆုံးလို့ ထင်ရတဲ့ ဒီပန်းကို ကျွန်တော်တွေ့ပြီး ခူးလာခဲ့တယ်။ ဒါပေမယ့် အပြန်လမ်းမှာ ပန်းက တစ်ဖြည်းဖြည်း ညှိုးနွမ်းသွားခဲ့တာပါပဲ” လို့ ပလေတိုကပြောတော့ ဆရာဖြစ်သူ ဆိုကရေးတီးက “အဲ့ဒါ တိတ်တိတ်ပုန်း” လို့ပြောလိုက်သတဲ့။


(ဒီပိုစ့်လေးကို လွန်ခဲ့တဲ့ ၃ နှစ်နီးပါးက mail ထဲကို ၀င်လာခဲ့တဲ့ Forward mail တစ်စောင်ပါ.. ဆိုကရေးတီးရဲ့ အဖြေကို နှစ်သက်လွန်းလို့ သိမ်းထားခဲ့တာ ကြာပါပြီ)

ညလေးချို - fri-6-3012 <1:44 PM>

အတိတ်ဆိုတဲ့အရာ သင်ခန်းစာယူပါ

အောင်မြင်တဲ့လူတစ်ချို့ကို သင် အားကျလေးစားဖူးမှာပါ..
အဲ့ဒီလို လူမျိုးတွေရဲ့ အတိတ်မှာ..
အေးစက်စက် ထမင်းကြမ်းတွေ ရှိခဲ့ချင်ရှိခဲ့လိမ့်မယ်..
ချမ်းအေးလွန်းတဲ့ ဆောင်းရာသီ အအေးဒဏ်ထဲ ပုဆိုးစုတ်နဲ့ ကွေးချင်ကွေးခဲ့ရဖူးမယ်..
အော်ငေါက်သံစကားလုံးတစ်ချို့အောက်မှာ ပုခုံးတွေ ဂျွတ်တက်အောင် ပြုစားခံရတာမျိုးလည်း ရှိခဲ့ချင်ရှိခဲ့မှာပဲ..
အထင်သေးအရာမသွင်းတဲ့မျက်လုံးတစ်ချို့အောက်မှာ စိတ်ဒဏ်ရာတွေ သွေးချင်းချင်းနီချင်နီခဲ့ဖူးတာလည်း ရှိခဲ့ချင် ရှိခဲ့လိမ့်မယ် ..
ကျန်ခဲ့ပြီးတဲ့ အတိတ်ဆိုတာ.. ဘယ်အတွက်မှ အရေးမကြီးဘူးလို့ မဆိုပါနဲ့..
လက်ရှိပစ္စုပ္ပုန်မှာ အောင်မြင်မှုတွေကို ထိန်းသိမ်းရင်းနဲ့ အနာဂါတ်အတွက် ဆင်ခြင်တွေးတောရင်း ငယ်ရွယ်သူတွေကို ပမာပေးဖို့ရန် အမှတ်ရနေဖို့တော့ လိုပါလိမ့်မယ် ..
အတိတ်ဆိုတာ.. နားထောင်ကောင်းတဲ့ ပုံပြင်ဟောင်းတစ်ပုဒ် မဟုတ်ဘူး..
အတိတ်ဆိုတာ.. ရယ်စရာ ဟာသတစ်ပုဒ် မဟုတ်ဘူး..
အတိတ်ဆိုတာ.. အတွေ့အကြုံတွေ သင်ယူခဲ့ရတဲ့ စာသင်ခန်းကြီးပါပဲ…. ….။

မတူညီခြင်း

                           လူတွေဟာ ခြားနားကြပါတယ်..
                           ဒါပေမယ့် အတူတူပါပဲ။

                           လူတွေဟာ တူညီနေကြတယ်..
                           ဒါပေမယ့် ခြားနားတတ်ပြန်တယ်။

                           ကျွန်မတို့ဟာ ခံစားမှု၊ စိတ်လှုပ်ရှားမှု၊ ၀မ်းနည်းကြေကွဲမှုတို့မှာ
                           အတူတူပဲထားဦးတော့..

                           ဒါပေမယ့်..  ထိုအခြင်းအရာတွေရဲ့နောက်
                           တွေးခေါ်ပြောင်းလဲပစ်လိုက်ပုံတွေနဲ့ အမြင်တွေရဲ့အနုအရင့်တွေကတော့
                           တူညီနိုင်ကြမှာ မဟုတ်ပါဘူး.. ..။

စွန့်သင့်တာကို စွန့်ရအောင်

                   စိတ်ကူးတယ်ဆိုတာ ဆန္ဒရဲ့အသီးအပွင့်ကို မျှော်လင့်တာပဲ ..

                   မျှော်လင့်တယ်ဆိုတာ စိတ်ပျက်လက်လျှော့ခြင်းကို စွန့်လွှတ်တာပဲ ..

                   စွန့်လွှတ်တယ်ဆိုတာ မက်မောတပ်မက်ခြင်းကို နှုတ်ဆက်လိုက်တာပဲ ..

                   ဒီတော့.. ဘာဖြစ်ဖြစ်.. စွန့်သင့်တာကို စွန့်ရအောင် ..

                   အကြောင်းကတော့ ဘ၀မှာ အကြီးအကျယ်ဆုံးစွန့်လွှတ်ရမှာက

                   ဘာတစ်ခုမှ မစွန့်လွှတ်နိုင်ခြင်းကိုပါပဲ..

                   ကျွန်ုပ်ကြောင့်.. သင့်ကြောင့် မစွန့်လွှတ်နိုင်တဲ့အရာတွေနဲ့

                   လောကကြီးကို အတ္တတွေကြား မနစ်မွန်းပါစေနဲ့ .. ..။

တကယ်တော့..

                          မဖြစ်နိုင်တဲ့ စိတ်ကူးအိပ်မက်ဆိုတာ မရှိဘူး ..

                          အသိအမြင်က ဖြစ်သင့်တဲ့ရိုးရာတွေကို တလေးတစားလိုက်နာလို့ ..

                          မရောက်နိုင်တဲ့ ပန်းတိုင်ဆိုတာ မရှိဘူး ..

                          လမ်းခုလတ်မှာ စာနာရမယ့် သဘောတရားတွေ မလွှဲခဲ့ရက်လို့ ..

                          အချစ်မှာ ပူလောင်ခြင်းဆိုတာ မရှိဘူး ..

                          စနစ်မဲ့ ခံစားချက်တွေနဲ့ ရူးသွပ်စွာ ချစ်တတ်တဲ့ ၀ိညဉ်တွေကြောင့်မိုို့ု့လို့ ..

                          မညားနိုင်တဲ့ ချစ်သူစုံတွဲဆိုတာ မရှိဘူး ..

                          နှလုံးသားက ဆင်ခြင်တုံတရားရဲ့ ကြီးမြတ်မှုကို တန်ဖိုးထားလို့ ..

အချိန်ပေးပါ

                        ခင်မင်ရင်းနှီးအောင်နေဖို့ အချိန်ပေးပါ..
                        ဒါဟာ ပျော်ရွှင်မှုဆီ သွားရာလမ်းပဲ ..

                        အိပ်မက်မက်ဖို့ အချိန်ပေးပါ..
                        ဒါဟာ ကိုယ့်စိတ်ကူးတွေကို ငွေစင်ပက်ဖျန်းပေးလိုက်တာပဲ..

                        ကိုယ်က ချစ်သလို .. ကိုယ့်ကိုလည်း အများက ချစ်ဖို့အချိန်ပေးပါ..
                        ဒါဟာ နတ်ပေးလို့မရတဲ့ ကြည်နူးမှုပဲ..

                        ပတ်ဝန်းကျင်ကို လှည့်ကြည့်ဖို့ အချိန်ပေးပါ..
                        ဒါဟာ သင်ယူစရာနဲ့ ပြည့်နှက်နေတဲ့ စာသင်ခန်းပဲ..

                        ရယ်မောဖို့ အချိန်ပေးပါ..
                        ဒါဟာ အပြစ်ကင်းတဲ့ စာသားမဲ့ ဂီတမို့ပါ..။

ဒီလိုယုံကြည်ချက်နဲ့ ရှေ့ဆက်မယ်

       
       လှိုင်းတံပိုးတွေ မနားတမ်း ရိုက်ခတ်နေပေမယ့်..

       ပင်လယ်ရဲ့အနားသတ်တွေဆီက ကျောက်သားကျောက်ဆောင်တွေဟာ

       စိုးရိမ်တုန်လှုပ်ခြင်းကင်းသလိုပဲ..

       ကြမ်းတမ်းတဲ့ဒုက္ခတွေနဲ့ ပြင်းထန်တဲ့ရှုတ်ချမှုတွေ

       အဘယ်လောက်ပင် များစမ်းပါစေ..

       ကျွန်မတို့ရဲ့ စိတ်နဲ့ခန္ဓာ ဟန်ချက်ပျက်ပြီး

       ဘာအကြောင်းနဲ့မှ မယိုင်လဲစေရဘူးလို့

       နှလုံးသွင်းပြီး မာန်ခပ်တင်းတင်းနဲ့ ဘ၀ရဲ့ အဆိုးတွေကို ကြံ့ကြံ့ခံစို့.။

       တကယ်တော့ ခွန်အား၊ စိတ်အားနဲ့ ယုံကြည်မှုဆိုတာ

       ကိုယ့်ရဲ့ အတွင်းထဲမှာပဲ ရှိတယ်မဟုတ်လား ..

       ကိုယ့်ရဲ့ လိုအင်ဆန္ဒအပေါ် ယုံကြည်မှုသာ ပြင်းထန်..

       နောက်ဆုံးမှာ သင်ဟာ အောင်မြင်မှုရဲ့ ခရီးဦးကြိုပြုခြင်းကို

       တအံ့တသြ မြင်တွေ့ခွင့်ရလိမ့်မယ် .. ... ..။

သတိထားနော်.. :)

                      အသီးအနှံတစ်လုံး သိပ်အပြစ်ကင်းပြီး သိပ်လှ၊ သိပ်ကြီးနေရင်

                      အဲ့ဒါ ပိုးသတ်ဆေးမနည်းဘူး မှတ်..


                      လူတစ်ဦး သိပ်မြှောက် သိပ်လေလုံးထွားပြီး ရေပေါ်ဆီတက်နေရင်

                      အဲ့ဒါ ပညာတကယ်မရှိလို့ မှတ်..


                      မိန်းကလေးတစ်ယောက် ပြစ်မျိုးမှဲ့မထင် သိပ်ချောပြီး

                      အပြစ်အနာအဆာကင်းအောင် လှနေရင်

                      အဲ့ဒါ surgeryလုပ်ထားတာလို့ မှတ်..


                      ချစ်သူနှစ်ဦး သိပ်ချစ်နေကြပြီး ပြဿနာတစ်ခုမရှိပဲ

                      သ၀န်တိုခြင်း ကင်းနေရင် အဲ့ဒါ အချစ်စစ်မဟုတ်ဘူးလို့ မှတ်.. ..။

ရှေ့တည့်တည့်ကြည့်လို့ ခရီးဆက်စို့

 

     
            A new life begins for us with every second.

          Let us go forward joyously to meet it.

          We must press on, whether we will or no,

          and we shall walk better with our eyes before us

          than with them ever cast behind.

            ကျွန်တော်တို့အတွက် စက္ကန့်တိုင်းမှာ

          ဘ၀သစ်တစ်ခု အစပြုတယ်။

          သူနဲ့တွေ့ဆုံဖို့ ကျွန်တော်တို့ ၀မ်းပန်းတသာ ရှေ့ခရီးဆက်ကြပါစို့။

          စိတ်ပါပါ မပါပါ

          ကျွန်တော်တို့ အားစိုက်သွားမှ ဖြစ်မယ်။

          လျှောက်တဲ့နေရာမှာလည်း ကျွန်တော်တို့ မျက်လုံးတွေက

          နောက်ကိုချည်း လှည့်မကြည့်ပဲ

          ရှေ့ကိုပဲကြည့်နိုင်မှ ခရီးပိုတွင်မယ်..။


         (JEROME K JEROME)

ရွှေမှန်ရင် မီးမကြောက်ပါနဲ့

    

                         တကယ်တော့ ကိုယ့်ရဲ့ တန်ဖိုးဆိုတာ..

                         ကိုယ့်အပေါ်မှာ မူတည်သလို..

                         ထိုတန်ဖိုးကို သတ်မှတ်ပေးတာကတော့ ကိုယ့်ပတ်ဝန်းကျင်က သူတွေပဲ..

                         ပန်းသတင်းလေညှင်းဆောင်ပါတယ်.. လူသတင်း လူချင်းဆောင်ပါတယ်..

                         သင် ကောင်းအောင်နေပါလျက်နဲ့..

                         သင့်ရဲ့ကောင်းသတင်း အမှောင်ချခံရတယ် ဆိုရင်တော့..

                         သင် စိုးရိမ်မှု ကင်းကင်းနဲ့ သက်တောင့်သက်သာနေပါ..

                         ရွှေမှန်ရင် မီးမကြောက်ရဘူးလေ.. :)

ဒီလိုတွေးပြီး ကြိုးစားရအောင်..

• It matters not how long you live, but how well.
• ဘယ်လောက်ကြာကြာနေခဲ့တယ်ဆိုတာအရေးမကြီးပါဘူး။ဘယ်လောက်ကောင်းကောင်းနေခဲ့တယ်ဆိုတာကအရေးကြီးတယ်။

• Never measure the height of a mountain, until you have reached the top. Then you will see how low it was.
• တောင်ထိပ်ကို မရောက်မခြင်း တောင်အမြင့်ကို ဘယ်တော့မှ မတိုင်းတာနဲ့။ တောင်ထိပ်ကိုရောက်မှ တောင်ဘယ်လောက်နိမ့်မှန်း သင်သိလိမ့်မယ်။

• The distance is nothing; it is only the first step that is difficult.
• အကွာအဝေးက အကြောင်းမဟုတ်ဘူး။ ပထမခြေလှမ်းကပဲ ခက်တာ။

• Fortune helps those who dare.
• ကံကြမ္မာက ရဲဝံ့သူကို ကူညီတယ်။

• There is always danger for those who are afraid of it.
• အန္တရာယ်ကို ကြောက်သူအတွက် အန္တရာယ်ဟာ အမြဲရှိတယ်။

• If you think you can or think you can’t your’re probably right.
• သင်လုပ်နိုင်တယ်လို့ ထင်သည်ဖြစ်စေ၊ မလုပ်နိုင်ဘူးလို့ ထင်သည်ဖြစ်စေ သင်မှန်နိုင်ပါတယ်။

• The two most powerful warriors are patience and time.
• အင်အားအကြီးဆုံး စစ်သည်တော်နှစ်ဦးက စိတ်ရှည်ခြင်းရယ်၊ အချိန်ရယ်။

• All great achievement require time.
• ကြီးကျယ်တဲ့ အောင်မြင်မှုတွေအားလုံး အချိန်လိုအပ်တယ်။

• Discovery consists of seeing what everybody has seen and thinking what nobody has thought.
• ရှာဖွေတွေ့ရှိခြင်းဆိုသည်မှာ လူတိုင်းမြင်ဖူးတာကိုမြင်ပြီး ဘယ်သူမှ မတွေးဖူးတာကို တွေးမိခြင်းဖြစ်တယ်။

 

• The optimist sees the doughnut, the pessimist, the hole.
• အကောင်းမြင်သမားက ဒိုးနတ်မုန့်ကို မြင်တယ်။ အဆိုးမြင်သမားက မုန့်က အပေါက်ကို မြင်တယ်။

• Honesty is the first chapter in the book of wisdom.
• ရိုးသားခြင်းဆိုတာ အသိပညာစာအုပ်ရဲ့ ပထမအခန်းဖြစ်တယ်။

• The stars are constantly shining but often we do not see them until the dark hours.
• ကြယ်တွေက အမြဲမပြတ် ထွန်းလင်းတောက်ပနေတာပါ။ ဒါပေမယ့် မှောင်မိုက်တဲ့အချိန်မရောက်မခြင်း သူတို့ကို မြင်ရလေ့ မရှိဘူး။

• Opportunities are seldom labeled.
• အခွင့်အလမ်းဆိုတာ တံဆိပ်ကပ်ထားခဲတယ်။

• Dig the well before you are thirsty.
• ရေမငတ်ခင် ရေတွင်းတူးပါ။

~~~~~~~~~~~~~~~~~~~~~~~~~~ ✿✿✿ ~~~~~~~~~~~~~~~~~~~~~~~~~~~~

ခွန်အားဖြစ်စေသော စကားခွန်းတစ်ချို့

·        

     မိုးအထိတက်နိုင်တဲ့လှေကားရှိရင်တောင် အောက်ဆုံးက စ တက်ရမှာပဲ။

·         ဘ၀ဆိုတာ စမ်းသပ်ခြင်းတွေနဲ့ ဖွဲ့စည်းထားတယ်။ အစမ်းသပ်ခံနိုင်မှ ဒြပ်စင်ဖြစ်မယ်။

·         အလျှင်လိုမှုရဲ့နောက်မှာ နောင်တ ရသွားနိုင်တယ်။ သတိရှိနေဖို့တော့ လိုတယ်။

·         အခွင့်အလမ်းဆိုတာ အခက်အခဲတွေရဲ့ အလယ်မှာပဲ ရှိနေတာပါ။

·         အခက်အခဲဆိုတာ စိတ်ကောက်နေတဲ့ ရည်းစားနဲ့တူတယ်။ ကြာကြာချော့ရတာနဲ့ ခဏလေးချော့ရတာပဲ ကွာတယ်။

·         အမှားအယွင်းကိုတော့ မကြောက်ပါနဲ့။ ဒါပေမယ့် နောင်တကိုတော့ ကာကွယ်ပါ။

·         အရည်ချင်းသည် အရေပြားပေါ်တွင် မရှိပါ။