ဘာဖြစ်ဖြစ် ချစ်တယ်

    

   
      ဒီနေ့ကစပြီး ရန်မဖြစ်ကြေးလို့ ပြောခဲ့ကြတဲ့  ဒီနေ့ ပေါင်းများစွာ ရှိခဲ့တယ်..

      ဒီလိုပဲပြောပြောပြီး ရန်ဖြစ်ကြတဲ့ နေ့ပေါင်းကလဲ များခဲ့တယ်..

      နက်ဖြန်ကစပြီး လမ်းခွဲမယ့်စကားမပြောကြေးလို့ ပြောခဲ့ကြတဲ့ နက်ဖြန် ပေါင်းများစွာ ရှိခဲ့တယ်..

      ဒီလိုပြောပြောပြီး လမ်းခွဲစကားဆိုတဲ့ ရက်ပေါင်းကလဲ များခဲ့တယ်..

      ဘယ်သူနဲ့မှ သ၀န်မတိုကြေးလို့ ပြောခဲ့ကြတဲ့ နှုတ်ခမ်းလေးတွေက နူးညံ့တယ်..

      ဒီနှုတ်ခမ်းလေးတွေဆီကပဲ သံသယစကားတွေလည်း မရေတွက်နိုင်အောင် ထွက်ခဲ့တယ်..

      တွေ့ချင်ရက်နဲ့ မျိုသိပ်ပြီး အိပ်ခဲ့ရတဲ့ ညတွေ ရှိခဲ့တယ်..

      ဒီညတွေကပဲ အိပ်မက်ဆိုးကို အလည်လာဖို့ ဖိတ်ခဲ့တယ်..

      အဲ့ဒီလိုအနေအထားတွေနဲ့ တစ်မျိုးပြီးတစ်မျိုး မရိုးနိုင်အောင် ပြဿာနာတွေ တက်ခဲ့တယ်..

      ဒီပြဿနာတွေကြားပဲ  မောင်နဲ့ ကျွန်မ မခွဲနိုင်အောင် ချစ်ခဲ့တယ် ..

အချစ်၌ အငိုက်မိခြင်း (၁)

                  အချစ်ဆိုတဲ့

                  သူရဲကောင်းပေါ့..

                  ငါ့နှလုံးသားရှေ့

                  ခြေဖျားလေးဝှေ့လို့

                  ခပ်ဖွဖွ တံခါးလာခေါက်တယ်..

                  သံယောဇဉ်ဆိုတဲ့

                  ငါပေါ့..

                  လှစ်ခနဲ ဖွင့်လိုက်တဲ့အခိုက်

                  ငါ့ရင်ဘတ်တည့်တည့်

                  သူက ခပ်သွက်သွက်နဲ့ 

                  အပြုံးတစ်ခု ထိုးစိုက်

                  ငါ့နှလုံးသားတစ်ခုလုံးကို သိမ်းပိုက်လိုက်တယ်..။

♥ ဖြူစင်တဲ့အနမ်းတစ်စုံ ♥

♥ အချစ် ♥

                   မင်း အဝေးမှာ ရှိနေပါလျက်

                   သတိတရ ခံစားမိသည့်အခါ

                   မင်းအပြုံးများကို အနီးဆုံးမှာ မြင်နေရပါသည်..။



                   မိုင်ပေါင်းများစွာ ဝေးနေမှန်း သိပါလျက်

                   အတားအဆီးဆိုတာ.. မေ့ချင်သည့်အခါ

                   ကြည်နူးစရာ အိမ်မက်တွေနှင့် ဖုံးလွှမ်းတတ်ပါသည်..။



                   ဆန္ဒတွေက မဖြစ်သင့်မှန်း သိပါလျက်

                   မင်းနဲ့ငါ ... ဘာကိုမှ မစဉ်းစားချင်သည့်အခါ

                   အချိန်တွေကို... ရင်ခုန်သံနဲ့ တန်ဆာဆင်တတ်ပါသည်..။



                   ငါ့အတွက် ဆုလာဘ်မဟုတ်မှန်း သိပါလျက်

                   မင်းနဲ့ ဆုံခွင့်ရသည့် ကံကြမ္မာကို ကျေးဇူးတင်သည့်အခါ

                   ငါ့အတ္တတွေက နူးညံ့နေမှန်း သိခွင့်ရပါသည်..။



                   ငါ့ရင်ထဲမှာ မာနတစ်ချို့ ရှိနေပါလျက်

                   မင်းမျက်နှာ မြင်ယောင်လိုက်သည့်အခါ

                   ပေးဆပ်ချင်သော သတ္တိတွေ ပေါ်လာတတ်ပါသည်..။



                   အတွေးထဲမှာပင် သေချာပြီမှန်း သိပါလျက်

                   ငါဝန်မခံချင်သည့် အရာမှာ

                   (အချစ်)ပင်ဖြစ်ပါ၏။

♥♥♥ အိမ်မက်ထဲက မိုးချစ်သူ ♥♥♥

 

သူ့မျက်နှာပေါ် ၀ဲကာသော်ယှက်
ဆံပင်နက်က မိုးပြေးလေးနောက်
တစ်ကောက်ကောက်နဲ့ လွင့်မျောတဲ့ဟန်
မဟာဆန်စွာ ငါ့ရင်မှာကား
ငြိတွယ်သွားပြီ … …။


ငါ့နဖူးပြင် အနမ်းတင်လို့
ချစ်သူ့အမှတ် တံဆိတ်ခတ်ခဲ့
ရင်ဝယ်ကြည်နူး အရူးမူးပဲ
မြူးတူးဆဲမို့ ရင်တသသ
စွဲလမ်းရပြီ … …။

ကြည်လင်ချိုသွေး မျက်နှာအေးနဲ့
သူ့လက်ကလေး ကမ်းကာပေးလို့
ယှဉ်တူလက်တွဲ မိုးဖွဲဖွဲထဲ
စိတ်အစဉ်က ထာဝရပင်
လက်တွဲချင်ပြီ … …။

အိမ်မက်ကလေး မိုးလိုအေးတော့
မင်းရင်ခွင်လေး နေခြည်နွေးဝယ်
ခိုလှုံရစဉ် မရုန်းချင်အောင်
အတ္တပါးပါး နှလုံးသားနဲ့
ရူးသွပ်ခဲ့ပြီ … …။

နံနက်ခင်းနှင့်တူသော ချစ်သူ

 

နံနက်ခင်း မိုးလင်းတော့

ကြားရတဲ့ ငှက်တစ်ကောင်ရဲ့တေး

ရင်မှာအေးမြသလို မင်းအသံချို

ကြည်လင်အေးလှသလို..



နံနက်ခင်း ရွှေဆင်းလိုပေါ့

လာကျတဲ့ နေခြည်သင်းရဲ့အလင်း

ဘ၀င်မှာနွေးမြသလို မင်းအပြုံးချို

တကယ်ပင် နွေးလှသလို ..



နံနက်ခင်း ပြတင်းနားက

မွှေးသင်းတဲ့ နှင်းဆီဖြူရဲ့အဆင်း

တကယ်ပင်ရှင်းသန့်သလို မင်းမျက်နှာချို

အစဉ်သာ လန်းလှသလို ..



နံနက်ခင်းစိုစို အတွေးချိုနဲ့

ငါ့ရင်မှာ ကြည်နူးလာတော့

ချစ်သူ့အထာ ဒီကဗျာလေး

ငါ ချရေးလိုက်မိတော့…



သြော်.. ချစ်သူ

နံနက်ခင်းလို လန်းဆန်းချိုသင်း

အချစ်တစ်ခင်းလောက် ငါ့ရဲ့ရှေ့မှောက်မှာ

ပျိုးလို့သာဖန်ဆင်းဖို့ နင်လှမ်းလို့လာပါတော့ကွယ် ..။

ကျိန်စာသင့်သူ

ချစ်သူ ….

နှစ်ကူးမယ့် ဒီလိုလ

ချိုမြမြ ညတစ်ည

နင် နဲ့ ငါ ဆုံဆည်းစဉ်ကပေါ့

သံစဉ်တွေက မြူးမြူး

ရင်ခုန်သံက မူးမူးနဲ့

ကြည်နူးစွာ ခုန်ပေါက်လို့

အိမ်ပြန်ဖို့တောင် မေ့ဖူးတယ် …

သံယောဖဉ် ရစ်ဖွဲ့ခဲ့

သိုဝှက်တဲ့ ငါ့အချစ်လည်း

နင်လေ ကြိုပြီး သိခဲ့တယ် …

ဒီတုန်းကတော့

ရင်ခုန်နှုန်းလည်း မြန်နေဆဲမို့

ဟိုစဉ်အတိတ်လည်း ငါမေ့ခဲ့ …

ချစ်မိတဲ့ အစမို့

အပြစ်လို့ မတွေးချင်

ခြောက်သွေ့စဉ် တခဏ

စာနာစွာ နင်ဖေးမတော့

သာယာမိပေါ့ ချစ်သူရယ် …

ဖုန်းဆက်တိုင်းလည်း

နင့်သံချို အစဉ်ကို အလိုရှိလို့

အချိန်ကုန်မှာလည်း စိုးရိမ်တယ် …

လသာသာ ညခါတွေလည်း

ငါလေ နင့်အကြောင်းတွေးဖြစ်ဆဲ

ကာရံမညီတဲ့ ကဗျာတွေလည်း

နှလုံးသားကနေ ခုန်ကာဆင်းမြဲ …

နင့်ရယ်သံတွေ ကြားရခိုက်

ငါပြုံးလိုက်တဲ့ ခဏလည်း

ဖြိုးဖြိုးဖြတ် ကြယ်လေးတွေတောင်

အရောင်မှိန်လို့ ဖျော့ကုန်ရဲ့…

ဖုန်းမဆက်တဲ့ ညတွေလည်း

စိတ္တဇပဲ ထင်ကာရယ်

ငါလေကွယ်မနေတတ်လို့

နေမြင့်အောင်ပဲ ရူးခဲ့တယ် …

သြော်… ခုတော့ဖြင့်လည်း

ငါ့ စိတ်ကူးလေး ပန်းလိုမမွှေးတော့

ထပ်ခိုးလို မှိုင်းစွဲခဲ့

ရယ်သံတွေ ငိုအောင်ပြောင်းတဲ့

ငါ့ ကိုယ်ငါပဲ အပြစ်တင်တယ် …

တကယ်ပါ ချစ်သူရယ်

အမှန်ကို ဆင်ခြင်

ပြင်ဆင်ကာ ငါရုန်းထွက်ဖို့

ဆုံးဖြတ်လို့ ခဏမှာပဲ

ရင်ကွဲနာ ကျချင်လာရဲ့

မေ့သင့်တဲ့ ဇာတ်လမ်း

ဒီမှာတင် စခန်းရပ်လို့

ရှေ့ဆက်စို့ ဘ၀သစ်တွက်

အမြစ်ပါ ပြတ်အောင်

ဒီသံယောဇဉ် ငါလေ နှုတ်မယ် …

ဒီကျိန်စာ ဒီဘ၀တင်ပျယ်ဖို့

နောင်ခါ နောင်ဘ၀

မကြုံပါရစေနဲ့တော့လို့

တောင်းဆုတွေ အခါခါခြွေရင်း

နှုတ်ဆက်ခဲ့တယ် ထာဝရ

ဝေးကြစို့ကွယ် ချစ်သူရယ် … ။ ။