အကိုရေးတဲ့ ကျွန်မအတွက် ကဗျာ (၁)

                          ညီမလေးရေ....

                          အသင်္ချေများများနဲ့
                          ကျင်လည်သွားတဲ့ ဘဝတွေလည်း
                          များပြီကွဲ့..။

                          တခါတလေ ခွဲရတာ
                          ဘာဆန်းလည်း...
                          တခါတလေ  ဝမ်းနည်းရတာ
                          ဘာဆန်းလည်း....
                          တစ်ခါတစ်လေနော်
                          တစ်ဘဝတခါတော့
                          ကျရူံးရတာပဲ...။။

                          ကဲ...
                          မင်း ဝမ်းနည်းဦးမလား ညီမ။

                          ငါတို့ အနာဂတ်
                          ငါတို့အတိတ်..
                          မင်းပစ္စုပ္ပန်ထက် ဘာများရွေးမလည်း...
                          ပစ်ပေါက်လိုက်စမ်းပါ...
                          မင်းရဲ့ မာနနဲ့
                          အလွှာပါးပါးလေးတွေဖုံးထားတဲ့
                          မျက်နှာတွေရဲ့
                          ဟန်ဆောင်အပြုံးတုတွေ..
                          ပြီး...
                          ခပ်ရှရှ စကားလုံးတွေသွေးလို့
                          ကဗျာဓားတွေ ထက်ထက်သွေးစမ်းပါ။

                          မင်းရဲ့ တရား..
                          မင်းရဲ့ သွေး..
                          မင်းရဲ့ အကျင့်တရား
                          မင်းရဲ့ စကား..
                          မင်းရဲ့ အမျိုး
                          မင်းရဲ့ အကျိုး သယ်ချင်သယ် (မသယ်ချင်နေ)
                          မဖျက်နဲ့ ..

                          မင်းအနာဂတ်မှာ
                          မင်း တရား
                          မင်း စကား
                          မင်း သွေး
                          မင်းအမျိုးမှာ ..
                          မင်းဂုဏ်သတင်း မွှေးစမ်းပါစေ...

                          ညလေးဟာ
                          မှောင်ချင်မှောင်မယ်..
                          နေ့ခင်းဟာ လင်းချင်လင်းမယ်...
                          အမှောင်မို့ ည
                          အလင်းရှိလို့ နေ့..
                          အခွင့်တိုင်းနေတဲ့ သဘာဝ
                          လူဟာ ပဓာနကျတယ်
                          ကဲ...ဘာမှားသလဲ..။

                          အတွေး...
                          အမြင်အသိ..
                          အရှိအတိုင်းမြင်..
                          အကန်းချင်ယောင်တော့ မဆောင်နဲ့
                          သံသရာစက်မှာ တပတ်ချင်းပတ်
                          (သံသရာ)ပတ်လို့မဆုံး
                          ဒါဟာ အမှောင်ဖုံးတဲ့ ဘဝပဲ..။

                          "တောက်" ခက်လို့ မာန်သွင်း
                          အရှိန်ဟုန် ပြင်းပြင်းနဲ့ ခွာခက်
                          မြင်းရိုင်းလို အသင့်
                          စွန်ရဲလို အမြင့်ပျံ
                          အဇျတ္တအမှန်နဲ့ လောကအမှန်ကို မြင်စမ်းပါ...။
                          လူလိမ်နဲ့ တွေ့တယ်
                          ချစ်ခင်သူတွေ စွန့်ခွာတယ်
                          အဖော်မွန်ကောင်းတွေ ပျောက်ဆုံး..
                          ဟင်..ဘာများဆန်းလည်း...
                          သုံးဆယ့်တစ်ဘုံ ကျင်လည်ရုံနဲ့
                          လွတ်ကင်းရုန်းချင်အဖြစ်
                          ဖြစ်ချင်းမရှူးံချင်လို့ မရ
                          ဒါ လူ့သဘာဝပဲ...။

                          သုတ်လိုက်စမ်း..
                          မင်းမျက်ရည်..
                          ပါးပြင်ထက်ဝက်..
                          စီးဆင်းမဖြတ်စေနဲ့...
                          တစ်ဘဝ တစ်နေရာ
                          တစ်ခဏတာ နေသမျှ
                          အလှတွေ မဝေချင်လည်း နေပါစေ
                          (နောင်) ဘဝအသင်္ချေတွေ လှဖို့လည်းလိုတယ်..။